Якшанбе22 ноябр 2026
LIVE
Ворид шудан
Махфияти маълумоти шумо

Сиёсати махфияти «Футболи Зинда»

Охирин навсозӣ: 09.10.2026

Ин сиёсат ба сомонаи futbolizinda.com ва барномаи мобилии «Футболи Зинда» (Android) дахл дорад. Дар ин ҷо бо забони сода гуфта мешавад, ки мо кадом маълумотро ҷамъ мекунем, барои чӣ, ба кӣ дастрас аст, чӣ қадар нигоҳ медорем ва шумо онро чӣ гуна нест карда метавонед.

1. Кадом маълумотро ҷамъ мекунем?
  • Акаунт: ному насаб, юзерном ва рамз. Рамз танҳо дар шакли ҳеш (рамзгузоришуда) нигоҳ дошта мешавад — ҳеҷ кас, ҳатто админ, онро дида наметавонад.
  • Почтаи электронӣ (ихтиёрӣ): агар худатон илова кунед — танҳо барои тасдиқ, ивази рамз ва барқарор кардани рамз бо коди 5-рақама.
  • Профил (ихтиёрӣ): акс ва дастаи дӯстдошта.
  • Он чӣ худатон менависед ё мефиристед: шарҳҳо, паёмҳои чат (матн, акс, видео, овоз), реаксияҳо, пешгӯиҳо, ҷавобҳои викторина ва рақобатҳо, шикоятҳо ва муроҷиатҳо («Хабар диҳед»).
  • Маълумоти техникӣ: суроғаи IP (барои ҳимоя аз спам ва ҳамлаҳо), навъи браузер/дастгоҳ, версияи барнома ва рақами тасодуфии дастгоҳ дар барнома (барои омор ва як бор шумурдани тамошо).
  • Огоҳиномаҳо: агар иҷозат диҳед — рамзи push-и дастгоҳ, то огоҳиномаҳоро ба шумо фиристем.
  • Cookie-ҳо (сайт): сессия ва «дар ёд дор» (то ҳар бор ворид нашавед), инчунин cookie-и беном барои як бор шумурдани тамошо. Cookie-и таблиғотӣ истифода намешавад.

Мо рақами телефон, ҷойгиршавӣ (GPS), рӯйхати тамосҳо ва файлҳои дастгоҳи шуморо ҷамъ намекунем.

2. Маълумот барои чӣ истифода мешавад?
  • Барои кори акаунт: воридшавӣ, профил, шарҳҳо, чат, викторина, рақобатҳо ва пешгӯиҳо.
  • Барои фиристодани огоҳиномаҳо (ҷавоб ба шарҳ, рақобат, бозиҳои дастаҳои шумо) — танҳо бо иҷозати шумо.
  • Барои фиристодани кодҳои тасдиқ ба почта.
  • Барои ҳимоя аз спам, фиреб ва вайрон кардани қоидаҳо (модератсия ва блок).
  • Барои омори умумии беном (масалан, шумораи тамошо ва кушодани барнома) ва ислоҳи хатоҳо.
  • Барои ҷавоб додан ба муроҷиатҳои шумо.

Мо маълумоти шуморо намефурӯшем ва барои таблиғи шахсӣ истифода намебарем.

3. Чӣ ба корбарони дигар намоён аст?
  • Ному насаб, юзерном, акс, дастаи дӯстдошта ва омори ҷамъиятӣ (викторина, рақобатҳо).
  • Шарҳҳо ва паёмҳои чат, ки худатон мефиристед.
  • Почта, рамз, IP ва муроҷиатҳо ба дигарон ҳеҷ гоҳ нишон дода намешаванд. Муроҷиатҳоро танҳо админ мебинад.
4. Хидматҳои беруна
  • Манбаъҳои маълумоти футбол — натиҷаҳо ва ҷадвалҳо. Маълумоти шахсии шумо ба онҳо фиристода намешавад.
  • Google Firebase Cloud Messaging — расондани огоҳиномаҳо (рамзи push-и дастгоҳ).
  • Google (Gmail) — фиристодани кодҳои тасдиқ ба почтаи шумо.
  • YouTube ва шабакаҳои ТВ — ҳангоми тамошои видео ё пахши зинда плеери онҳо кушода мешавад ва қоидаҳои худро дорад.

Агар қонун талаб кунад, маълумот метавонад ба мақомоти ваколатдор пешниҳод шавад.

5. Мӯҳлати нигоҳдорӣ ва ҳифз

Маълумоти ҳисоб то вақте нигоҳ дошта мешавад, ки акаунт вуҷуд дорад. Кодҳои тасдиқ пас аз 10 дақиқа беэътибор мешаванд. «Дар ёд дор» ҳадди аксар 1 сол амал мекунад ё то он даме ки бароед.

Пайвастшавӣ бо HTTPS рамзгузорӣ мешавад, рамзҳо ҳеш карда мешаванд ва дастрасӣ ба сервер маҳдуд аст. Бо вуҷуди ин, ҳеҷ системаи интернетӣ 100% бехатар нест.

6. Нест кардани акаунт ва маълумот

Шумо ҳар вақт метавонед акаунт ва ҳамаи маълумоти худро худатон, фавран нест кунед:

  • Дар барнома: Профил → Почта ва рамз → Нест кардани акаунт.
  • Дар сайт: futbolizinda.com/delete_account.php
  • Агар рамзро фаромӯш карда бошед: аввал онро бо «Рамзро фаромӯш кардед» барқарор кунед (агар почта илова карда бошед), баъд ҳисобро нест кунед.

Нест мешаванд: профил, почта, рамз, акс, шарҳҳо, паёмҳои чат бо файлҳояшон, реаксияҳо, пешгӯиҳо, викторина ва рақобатҳо, дастаҳои дӯстдошта, огоҳиҳо, блокҳо, шикоятҳо ва муроҷиатҳо, ҳамаи воридшавиҳо. Танҳо омори умумии беном (бе пайваст ба шахси шумо) мемонад.

Огоҳиномаҳоро ҳар вақт дар танзимоти барнома ё телефон хомӯш карда метавонед.

Тағйири ин сиёсат

Агар сиёсат тағйир ёбад, матни нав дар ҳамин саҳифа бо санаи нав гузошта мешавад. Дар тағйироти муҳим дар сайт ё барнома огоҳӣ медиҳем.

7. Тамос бо мо

Саволҳо дар бораи маълумоти шахсӣ, дархости дидан, ислоҳ ё нест кардани маълумот ва шикоятҳо:

Дар сайт ё барнома (пас аз воридшавӣ)
«Хабар диҳед» — ҷавоб дар огоҳиҳо меояд
Сомонаи расмӣ
futbolizinda.com
© 2026 Футболи Зинда